Hpakant lung wa lam de gasat gala majan matut byin nga

Hpakant lung wa lam de gasat gala majan matut byin nga ai lam chye lu ai.

May shata 19 ya shani du hkra, Hpakant de htu shadut lung wa nga ai gumshem Myen hpyen dap, P.T.Ts pawng hpawm hpyen hpung ni hte KIA pawng hpawm hpyen hpung ni, Hkrai Rum kaw gasat gala majan matut byin nga ai lam, shawnglam lit nga salang ni kaw na chye lu ai.

May shata 18 ya jahpawt daw hkying 9:00am aten daram kaw nna, Hpakant lung wa lam, Seng Hpra hte Hkrai Run lapran kaw gasat gala majan laja lana matut byin nga ai re lam chye lu ai.

Gumshem Myen hpyen dap gaw, Hpakant ginra ma hkra hpe lu la hkra, April shata htum wa maga kaw nna, hpyen n-gun kaba hte bai htu shadut lung wa ai kawn, ya du hkra shani shagu ngu na gasat gala majan byin nga ai sha n-ga, lahkawng maga hpyen masa shaja hkat nga ding yang re ai lam matut chye lu ai.