Hpakant mare hta Mungmasha langai sinat gap hkrum

Hpakant Seng Tawng mare lawk ( 1 ) kaw nga ai Slg ( ေက်ာ္မ်ိဳး ) asak 40 ning gaw October praw 3 ya shana yup tung daram hta, sinat the gap hkrum nna ya aten Hpakant mungshawa tsi rung hta tsi tsi hkam la nga ai lam na lu ai.

Sinat gap hkrum ai shara gaw lawk kata na အေမ့အိမ္ hkwi shap seng shawng kaw rai nhtawm shingdu maga de na sinat hte lahkawng lang gap hkrum ai

lam na chye lu ai.

Slg. ေက်ာ္မ်ိဳး gaw Hpakant kaw kara zen seng hpaw let aten na na ja gumhpraw wa tam sha ai wa rai nhtawm ya aten, ang hkrup ai bungli bai galaw sha nga ai wa re hpe mung sagawn na chye lu ai.

Seng ang ai ni kaw nna dai amu manghkang hpe sagawn nga dingyang naw rai nga ai re lam, Hpakant hta laning mi laman sinat hte gap sat hkrum ai manghkang ndai lang hte rai yang masum lang ngu na rai sai raitim seng ang ai ni kaw nna amu jep shapraw lu ai lam langai mi mung garai n nga ai nga nna buga masha ni tsun ai hpe chye lu ai.