Hpakant Mawtsiza နဂါး ၉ ေကာင္း company ni a shara kaw ga gyi ai majaw, lungseng tam ai masha marai ( 4 ) gaput si mat
Hpakant, Mawtsiza makau နဂါး ၉ ေကာင္း company ni a shara kaw September 25 ya shana daw hkying 2:40pm aten hta ga shingbut gyi wa ai majaw, lungseng htu nga ai masha marai 4 kaput si mat ai lam na chye lu ai.
Ga kaput si mat ai hta Salang Lashi Tang Gun, Salang Zahkung Ye Je Asak 59 ning, Salang Ze Dau Asak 62 ning hte Shadang Nhkum Tang Ja Asak 26 ning ni re. Salang Tang Gun hte Salang Zahkung Ye Je yan gaw Mawtsiza Tayakung na rai nhtawm, Salang Ze Dau gaw Waimaw Nawng Hkying mare na, Shadang Nhkum Tang Ja gaw ေအာင္ေျမသစ္ mare na re. Ndai yan hpe gaw Myitkyina de htaw yu wa nna, ngam ai marai 2 hpe gaw daini September 26 ya shani makoi mayang hpawng galaw sai lam, buga masha ni kawn chye lu ai.
Laiwa sai September 22 ya shani hta mung, Mawmau bum mare na lungseng tam masha marai 3 lungseng tam nga ai ten ga shingbut gyi ru wa ai majaw asak si sum mat ai lam chye lu ai.
