Hpakant Seng Tawng mare na gumshem Myen hpyen balik dap hpe KIA pawng hpawm hpyen hpung ni gasat zing
KIA Masat (9) Dap Ba, Masat (6) Dap Dung ginra, Hpakant Seng Tawng mare kaw dap jung shara jahkrat nga ai gumshem Myen hpyen balik dap hpe September shata 12 ya jahpawt 7:00am aten daram hta KIA pawng hpawm hpyen hpung ni gasat zing la lu sai lam chye lu ai.
Balik dap hpe KIA pawng hpawm hpyen hpung ni wan nat jasan ai lam galaw ngut ai hpang, Hpakant Dapnu (Tatma) kawng kaw nna, Seng Tawng mare de laknak kaba hkrup mara gap bun ai majaw, mare kata wa hkrat kapaw nna mugshawa nta wan hkru nga ai lam, shawng lam na lit nga ai salang ni tsun ai.
Seng Tawng mare Lacky Man Hotel mayan hte Yuma mare makau hta mung, KIA pawng hpawm hpyen hpung ni hte gumshem Myen hpyen ni laja lana gasat poi byin nga ai re.
Gasat poi laja lana byin nga ai Seng Tawng mare maga de, Myitkyina maga na rawt wa ai Jet Fighter nbungli hte bawm wa jahkrat gasat nga ai lam chye lu ai.
