Hparat Panglai Research Center kaw Sumla madun lamang galaw

Laiza Muklum lawk ( 5 ) Hparat Panglai Research Center Htingnu wang hta January praw 5 ya shani kaw nna sumla madun ai lamang hpe galaw nga ai lam chye lu ai.

“Ndai sumla madun ai a yaw shada lam gaw 2011 ning majan byin hpang wa ai kaw nna ya dai ni du hkra na sumla ni hpe madun da ai. Labau ninggam langai mi hpe bai dum matsing

na matu hte ya na mungmasa ninggam gade daram kaw du nga sai ngu ai lam ni hpe sumla hku nna mung madun ai ga rai nga ai”  

Ndai sumla madun ai lamang hpe shawng ningnan galaw ai re majaw, shata lahkawng daram sumla ni hpe gahti galai madun na re lam, Hparat Panglai Research Center kaw nga ai sara Tu Ja tsun ai kaw na chye lu ai.

Hparat Panglai Research Center hpe laiwa sai 2016 ning May shata 23 ya shani hpaw hpang dat ai re lam chye lu ai.