Hpimaw ginra hpe KIA zing

Chihpwi, Hpimaw ginra ma hkra hpe KIA ni padang dip zing madu la lu sai lam chye lu ai.

November shata praw 2 ya shana maga hkying 6:30pm aten daram hta Hpimaw ginra ma hkra hpe KIA pawng hpawm hpyen hpung ni zep zi zing madu la lu sai lam, shawnglam lit nga ai salang langai tsun ai.

Hpimaw sa lam kaw dap jung ai, BGF (1001) dap hte masat shadaw (7) kaw dap jung nga ai, gumshem Myen hpyen dap Hk.L.Y (298) n-pu na post hpe zing la ngut ai hpang, matut manoi Hpimaw ginra hpe mung zing madu la lu sai re lam chye lu ai.

Ya aten gumshem Myen hpyen dap n-pu, Salang. Zahkung Ting Ying a uphkang ginra ma hkra ngu na hpe KIA pawng hpawm hpyen hpung ni zing madu la lu sai re lam matut chye lu ai.