Hpu-awn shalat jawng yu hpawng galaw
KIO Asuya Mungchying Uphkang Dap kaw nna hpaw sharin nga ai masat yan (16) hpu-awn shalat jawng yu hpawng hpe November shata 22 ya jahpawt hkying 8:00am aten, Laiza Muklum kaw galaw la lu sai lam chye lu ai.
Hpawng hta jawng yu la sai jawngma ni hpe Du Kaba Lahpai Zau Raw (DGA Lit Hkam) kaw nna shatsam mungga jaw ai hta
“Mungdan hte amyusha ni a ntsa sadi dung ai hte greng grak ai hpu-awn kaja ni byin tai sa wa ai hte mungchying mungshawa ni hpe chye zinlum ai, ka-ni nang hpam hpe koi gam lu ai, tinang ang ai shara hta myit sadi dung let kangka ai hte gunhpai lu ai myu tsaw mung tsaw ai hpu-awn kaja ni tai nga ga” nga nna tsun ai.
Ningtau Jawng Up kaw nna, jawng yu sai jawngma ni hpe lekmat shagrau ai lam, ningtawn jawngma ni hpe kumhpa shagrau ai lam ni galaw ai rai nna, dai ni jawng yu la sai jawngma yawng marai (290) re ai hpe chye lu ai.
Ndai jawngma ni gaw laiwa sai 2022 ning kaw nna jawng lung ladaw (3) ning tup sharin hkamla ai hte jawng yu la sai rai nna, hpawng hta Magam Dap, Makan Dap hkan na magam gun ni, nawku hpung woi sara ni hte jawngma kanu kawa ni sa du shanglawm ai hte galaw la lu sai lam chye lu ai.
