Hpyen majan a majaw ru yak jam jau hkrum nga ai Mungshawa ni hte hpyen koi yen nga ai Mungshawa ni shim lum ai de lawan lawt lu wa na matu akyu hpyi hpawng galaw

Hpyen majan a majaw ru yak jam jau hkrum nga ai Mungshawa ni hte hpyen koi yen nga ai Mungshawa ni shim lum ai de lawan lawt lu wa na matu akyu hpyi hpawng lamang hpe Laiza Muklum, RCM Nawku Jawng kaw May, 14 ya shani hkying 1:00pm aten kawn hkying 2:30pm aten laman Ramma Komiti ni woi awn nna Missa hkungga nawng jau ai akyu hpyi hpawng galaw ai lam chye lu ai.

Lai wa sai ten ni hta mung RCM Nawku hpung masha ni sim sa lam a matu Missa hkungga nawng jau ai akyu hpyi hpawng lamang ni galaw ai. Lawk hte lawk kyu hpyi ai lam ni hpe mung galaw lai wa sai. ( 7 ) ning rai sai, ya na zawn akyu hpyi lamang n galaw ai, ya dai ni kalang mi bai majan a majaw hpyen koi yen nna ru yak tsin yam hkrum sha nga ai sai daw sai chyen ni lawan lawt lu wa lu na matu yaw shada let Missa hkungga nawng jau ai akyu hpyi hpawng galaw ai re nga nna Sara langai tsun ai kawn chye lu ai.

Akyu hpyi hpawng hta shawa masha yawng marai ( 50 ) jan daram sa du shang lawm ai lam chye lu ai.