Hpyen yen dabang ningnan gaw gap ai hta garum ningtum ra nga

Pa Jau Bum, Sha-it Yang shara hta hpyen yen nta ningnan bai gaw gap nga ai kaw garum ningtum arung arai ni grai ra ahkyak nga ai lam chye lu ai.

Mungga Zup Zai Awng na hpyen yen mungshawa ni Pa Jau Bum, Sha-it Yang de January, 22 ya shani kaw nna bai htawt sit wa ai majaw, မိုးကာ hte tsi mawan, malu masha,

lum ai buhpun palawng ni hkyak hkyak ra nga ai lam, Pa Jau Bum gaw grai katsi ai shara rai nna dinggai dingla ni hta mung lagaw lata bum wa ai lam ni mung byin hkrum nga ai hpe chye lu ai.

Laiwa sai December, 27 ya shani Myen hpyen dap ni kawn Mungga Zup Zai Awng hpyen yen dabang de laknak kaba gap bun wa ai majaw shara bai htawt ai re hpe chye lu ai.