Hpyen yen ladaw 9 ning hpring June 9 lamang hpe online hku live ndau nna galaw na
Wunpawng Amyusha Mungbawng Rapdaw (WMR) kawn woi awn nhtawm, hpyen yen ladaw 9 ning hpring June 9 lamang hpe June shata praw 9 ya shani online hku live ndau nna galaw sa wa na re lam chye lu ai.
June 9 lamang hpe laiwa sai ten hta mungshawa yawng hpawng chyawm nna nawku daw jau ai lamang hku galaw ai raitim, ya aten Covid-19 ana zinli a majaw online hku nna lamang hpe galaw na matu hkyen shajin nga ai lam, WMR Ningtau Amu Madu Sara Nhkum Tang Gun tsun dan ai.
“Anhte WMR kawn woi awn galaw na, lamang hta (IDPs) hpyen yen ni hte seng ai Gamung jahta ai lam hte nawku daw jau lamang ni hpe galaw na matu hkyen shajin nga ai re” nga nna tsun ai.
IDPs Gamung jahta lamang hpe June (7) ya shani kaw nna tau shapoi ya mat wa na rai nna, nawku daw jau lamang hpe June (9) ya jahpawt (9:00am) aten hta Kachin National Consultative Assembly Facebook Page kaw nna Online TV lamang hku shapoi ya mat wa na re lam, Kachin National Consultative Assembly Facebook Page kaw na mu chye lu ai.
2011 ning, June shata praw (9) ya shani kaw na bai byin hpang ai Mung dinghku majan a majaw, mung mare masha ni tinang a lamu ga dum nta ni hpe hprawng yen ra mat ai gaw, daining 2020 ning June shata hta 9 ning hpring sai re.
Photo Crd; KNCA
