Hpyen yen Mung masha marai ( 3 ) hpe Myen hpyen dap Hk.M.Y ( 319 ) ni sat kau ya

KIA Dap Ba ( 3 ) Dap Dung ( 27 ) ginra, Mung Hkawng RCM hpyen yen dabang kaw nga ai, Wunpawng la marai ( 3 ) hpe May 25 ya shani Myen hpyen dap Hk.M.Y ( 319 ) ni rim la

nna, mara kata sat kau ya ai lam, buga masha ni kawn chye lu ai.

Sat kau hkrum ai ni gaw, Slg. Sumdu Gam Awng asak 31 ning, Slg. Labya Nawng Hkum asak 27 ning, hte Slg. Maran Brang Seng asak 22 ning ni rai ma ai. Hka Pra Yang maga simai tam sa ai lam kaw Hk.M.Y ( 319 ) hpyen hpung ni rim woi mat nhtawm, hpang jahpawt sinat ngoi ai nsen na ai. Dai shara hta laga laknak lang wuhpung kadai mung nnga ai lam buga masha ni tsun ai.

Dai marai ( 3 ) a moi mang hpe May 28 ya shani she hpyen yen dabang kaw na deng ( 5 ) daram tsan ai shara kaw sa mu tam ai, seng ang ai asuya ni kawn mung, sa jep joi ai lam nnga shi ai hpe na chye lu ai.

Dai ginra ni hta shawng de ndai zawn nbyin ga shi ai, ya gaw mungshawa ni hkawm wa hkawm sa shimlam a matu, hkrit tsang nga ai lam na chye lu ai.