Hpyen yen Mungshawa ni a shawng lam hte seng nna zuphpawng galaw
KIA Dap Ba ( 2 ) Dap Dung ( 11 ) ginra, Namti kaw nga ai Kasung hpyen yen Mungshawa marai ( 700 ) jan a shawng lam hte seng nna KBC, RCM, PCG, NGO hte Cso ningbaw ni April, 22 ya shani Namti Lambraw Yang RCM Nawku Jawng kaw zuphpawng galaw nga ai lam chye lu ai.
Nam Jim Pa kaw du nga ai Kasung mare na Mungshawa ni marai ( 170 ) jan hpe April, 22 ya shani PCG ni, Nawku hpung shagu na hpung woi sara ni hte Shinggyim Wuhpung Wuhpawng na salang ni Modo ( 15 ) hte sa woi la ai.
Sa woi la sai Mungshawa ni hpe Nam Jim mare RCM Nawku Jawng Wang kata kaw gan jahkring da nna Immigration ni kawn Mungchying masat, Htinggaw jahpan hkap jep ai hte Masha jahpan hkap hta la ai lam chye lu ai.
KIA Dap Ba ( 8 ) Dap Dung ( 26 ) ginra hta mung April, 22 ya shani hkying 11:00am aten hte hkying 12:23pm aten laman Nawng Mu Post maga de Myen hpyen hpung ni kawn laja lana n-gun kaba hte Sinat kaba ni gap bun wa ai majaw KIA hpyen hpung ni hkap shing la gasat ai kawn gasat majan byin wa ai lam shawng lam shi sawk ni kawn chye lu ai.
