Hugawng ginra hta kani yi hkyen shamyit lam galaw

KIO uphkang ginra na Pat Jasan Komiti ni, Danai Ginwang hte Sumbwi Yang Ginwang lahkawng garan nhtawm, Hugawng Danai hka mayan hta hkai shatut da ai kani yi hkyen shamyit lam hpe February 15 ya shani kaw nna bai galaw nga ai lam na chye lu ai.

Danai Ginwang na pat jasan uhpung ni gaw masat da ai shara hta masha n-gun ( 147 ) hte kani yi Eka ( 114 ) hpe hkyen shamyit kau lu sai majaw, February 27 ya jahpawt hkying 

10:00am aten hta Namhkam mare Hpung Ing Gawknu hta mungshawa marai ( 1000 ) jan hte hkap tau lahkum lamang hpe galaw la lu ai lam buga masha ni tsun ai kawn chye lu ai.

Sumbwi Yang Ginwang na Pat Jasan uhpung ni gaw masat da ai shara hta ndu shi ai majaw, matut nna naw hkyen shamyit nga ai lam mung na chye lu ai.

2016 ning hta mung Hugawng Danai ginra kaw hkai shatut da ai kani yi Eka ( 1560.48 ) hpe masha n gun kru tsa jan hte hkyen shamyit kau ya sai hpe mung chye lu ai.