Indaw ginra hpe KIA pawng hpawm hpyen hpung ni zep zi zing madu

Jinghpaw mung Sagaing jarit, Indaw ginra hpe KIA pawng hpawm hpyen hpung ni zep zi zing madu la lu sai lam chye lu ai.

April shata praw 7 ya shana hkying 8:00pm aten daram hta shata 9 hkawt htim gasat nga ai, Indaw ginra hpe KIA pawng hpawm hpyen hpung ni zep zi zeng madu la lu sai lam, lit nga ai salang ni tsun ai.

Indaw ginra hpe laiwa sai 2024 ning August shata kaw nna, KIA pawng hpawm hpyen hpung ni htim gasat wa ai hta gumshem Myen hpyen dap ni nbungli, drone ni hte ninghkap gap gasat nga ai raitim, zep zi gasat zing madu la lu sai lam chye lu ai.

Matut nna Manmaw ginra hta mung, ya aten gasat gala majan byin ai lam nnga ai raitim, gumshem Myen hpyen dap kawn nbungli, drone ni hte gap gasat ai lam ding yang ngu na galaw nga ai hpe chye lu ai.