Ja Pu mare kaw du nga ai, gumshem Myen hpyen ni hte KIA ni laja lana gasat gala majan byin

KIA Masat (1) Dap Nawng Daju, Masat (254) Dap Nawng Dap Dung ginra, Ja Pu mare kaw shamu shamawt du nga ai gumshem Myen hpyen ni hte KIA ni July shata 18 ya shani hkying 11:20am aten hta laja lana gasat gala majan byin ai lam chye lu ai.

Ja Pu Mare kaw du nga ai gumshem Myen hpyen hpung ni, Sama lam numshe de shamu shamawt gale pru wa ai hpe KIA hpyen hpung ni hkap gap gasat ai kawn laja lana gasat poi byin ai lam, shawng lam shiga lawk kaw na chye lu ai.

Ginjaw ginra de gumshem Myen hpyen dap ni hpyen n gun hkying lam hte htu shadut shang wa ai majaw, July shata praw 3 ya shani kaw nna, Manmaw, Myitkyina modo lam mayan hta shani shagu ngu na gasat gala majan byin nga ai re.

Ya aten hta mung lahkawng maga hpyen masa naw shaja hkat nga ding yang re lam, shawng lam na lit nga ai salang ni tsun ai kaw na chye lu ai.