Jahtu Zup kaw dap jung nga ai Gumshem Myen Hpyen Dap hpe KIA ni sinat kaba hte bai nhtang gap
KIA Masat (2) Dap Ba, Masat (43) Dap Dung ginra, Danai Lido lam mayan Jahtu Zup kaw dap jung shara jahkrat nga ai Hk.L.Y (297) dap na Gumshem Myen hpyen hpung ni Jahtu Zup mayan kaw sinat kaba gap bun ai majaw KIA maga kawn bai nhtang gap ai lam chye lu ai.
May 18 ya jahpawt hkying 10:30am aten kaw nna shani hkying 12:30pm aten du hkra lahkawng maga sinat kaba hte gap hkat ai rai nna, masha gaw si, hkala nba nnga ai lam, shawng lam na salang langai tsun ai.
Danai Lido lam mayan hta mung, Gumshem Myen Hpyen Dap ni hpyen n-gun jat nga dingyang re sha n-ga, Lido lam mayan hkan nga ai mungshawa ni a dum nta kaw magam gun masha nga nnga mying jahpan hkan hta hkawm ai lam, lai wa lai sa mungshawa ni hpe mung jahkring nna jep nga ai lam chye lu ai.
