Jam Ga kaw gasat gala majan byin

KIA Masat (5) Dap Ba, Masat (3) Dap Dung ginra, Jam Ga mare grup yin kaw gasat gala majan byin ai lam chye lu ai.

March shata 26 ya jahpawt hkying 5:30am aten daram hta Waimaw ginra Jam Ga mare makau grup yin kaw, KIA pawng pawng hpawm hpyen hpung ni hte gumshem Myen hpyen dap ni gasat gala majan byin ai lam, lit nga ai salang ni tsun ai.

KIA pawng hpawm hpyen hpung ni shara la nga ai Jam Ga mare grup yin de gumshem Myen hpyen dap ni hpyen shamu shamawt wa ai majaw, gasat gala majan byin wa ai re lam chye lu ai.

Waimaw ginra Lamyang mare makau grup yin ni hta mung, gumshem Myen hpyen dap ni hpyen shamu shamawt n-gun jat bang ai lam ni galaw nga ai majaw, gasat gala majan ni byin nga ai re.

Matut nna Lawa mare kaw shara la nga ai gumshem Myen hpyen dap hte P.T.Ts pawng hpawm hpyen hpung ni hte mung, KIA ni gasat gala majan byin nga ai rai nna, ya aten du hkra lahkawng maga hpyen masa shaja hkat nga ai lam chye lu ai.