Jang Gap kaw gasat gala majan byin

KIA Masat (9) Dap Ba, Masat (6) Dap Dung ginra, Hpakant Jang Gap kaw KIA hte gumshem Myen hpyen dap ni gasat gala majan byin ai lam chye lu ai.

September shata praw 4 ya shani hkying 1:00pm aten daram hta Hpakant kaw nna, Jang Gap maga de hpyen n-gun htu shamu shamawt nga ai gumshem Myen hpyen dap n-gun 100 daram hte KIA pawng hpawm hpyen hpung ni gasat gala majan byin ai lam, lit nga ai salang langai tsun ai.

Gasat gala majan byin nga yang Hpakant Byuha kawng kawn, gasat gala majan byin ai shara de laknak kaba gap garum ya ai rai nna, dai ginra na mungshawa ni mung, hpyen koi yen nga ai re lam chye lu ai.

Matut nna Manmaw kawn Nmawk ginra de hpyen n-gun htu nga ai, gumshem Myen hpyen dap hte KIA ni shani shagu ngu na gasat gala majan byin nga ai re lam chye lu ai.