Jawngma Dap na ရဲေဘာ္မင္းေထး hpe tara rung san jep ai lam galaw
Lai wa sai December 28 ya shani Zinlum Bum Gate kaw Myen Hpyen Dap ni kawn rim zing da ai Jawngma Dap, ABSDF na ရဲေဘာ္မင္းေထး hpe dai ni January praw 6 ya shani Nmawk tara rung hta masum lang ngu na rung shapraw ai raitim, san jep ai lam hpe n galaw ai sha, du wa na January 20 ya shani mahtang bai san jep na matu ninghtoi bai htawt sit dat ai lam na chye lu ai.
Ndai amu hte seng nna lai wa sai January 24 ya shani NCA ta masat htu ngut sai PPST na dat kasa salang ni hte Myen hpyen dap makawp maga hkringmang hkrumzup bawngban
hpawng hta PPST na dat kasa salang ni kaw nna pri nyem ai hte jahkrup nna dat ya na matu tsun ai raitim, Myen hpyen dap hkringmang kawn gaw, tara upadi hte hkrak ahkyak la hparan sa wa ra na re lam tsun da ai hpe chye lu ai.
ရဲေဘာ္မင္းေထး gaw tara nshang ai KIO wuhpung hte matut mahkai ai wa re ngu nna Pukma 17/1 hte tara jewat nna Myen hpyen dap kawn Manmaw htawng hta hkang zing da nga dingyang re. ABSDF Jawngma Dap ni gaw NCA ta masat htu ngut sai wuhpung mung rai nga ai.
