Je Yang hpyen yen dabang hta hkali ana byin ai masha lani hte lani law nga

Je yang hpyen yen dabang hta hkali ana byin ai masha lani hte lani law wa ai hte shawoi shaning hta grau law nga ai hpe chye lu ai.

Ya ten dabang hta hkali ana byin hkrum ai masha marai (280) jan daram machyi nga ai rai nna, asak (12) hte (45) ning lapran na ramma ni malawng byin nga ai re.

“Hkali ana law wa ai gaw lai wa sai shaning hta hkali tsi atsawm nlu sha ai, hkali tsi ni dumhprut mat ai, ji grawng tsi atsawm nlu gat ai a majaw, hkali ana byin ai masha law wa ai re” nga nna sarawun Marip Hkawn Tawng tsun ai.

Lai wa sai March shata kaw nna lang hte lang nta shagu ji grawng tsi hkan gat ya ai lam ni galaw nga ai re. Ya ten hta hkali ana byin ai sha n-ga, kaga kan machyi, kan mase, madawn ai lam ni, hkum kahtet ai hte jahkru ai lam ni mung byin nga ai re hpe mung chye lu ai.