Jet Fighter ni hte KIA ginjaw ginra kata hta matut gasat nga ding yang
KIA Dap Nawng Daju ( 252 ) Dap Nawng Dap Dung ginra Nhkram Bum mayan KIA shawng lam post ni de Myen asuya hpyen dap ni October, 12 ya jahpawt daw hkying 10:55am aten kaw nna Gidawn post kaw laknak kaba ni gap bang nna htim gasat lung wa ai hpe KIA
hpyen hpung ni shingla gasat dat ai lam na chye lu ai.
Bai, October, 11 ya shani Myen hpyen nbungli MIG-29 ( 2 ) hte numdaw ( 4 ) lang wa htim gap, Bawm jahkrat bun ai hpang hkying 2:00pm aten daram kaw nna lagaw dap n-gun kaba hte htim gasat bang wa ai hpe na chye lu ai.
KIA Dap Ba ( 5 ) Dap Dung ( 3 ) ginra, Lai Hpawng Bum hpyen dap hpe mung October, 11 ya shani hkying 10:00am aten daram hta Myen asuya hpyen Jet Fighter ( 2 ) hte numdaw ( 2 ) lang wa gap bun ai lam mung na chye lu ai.
Tsaban ( 21 ) Panglung Zuphpawng hta KIO kawn sa shang lawm ai rai tim KIA ginra de Myen asuya ni hpyen n-gun kaba hte matut manoi htim gasat nga ai majaw Myen asuya hpyen dap ni htim gasat nga ai majan hpe lawan jahkring na matu Mungshawa ni shawa n-gun madun ai lam galaw ai hpe mung madat ya ai lam n nga ai sha October, 7 ya shani kaw nna Jet Fighter ni sung lang ai hte Lagaw dap hku nna mung Sanit ya htu shadut htim gasat sai majaw gasat gala majan ding yang naw byin nga ai re hpe chye lu ai.
