Jinghpaw laika sharin sara wunkat yu hpawng galaw
Wunpawng Mungdang Shanglawt Asuya, Ginjaw Hpaji Dap kawn woi awn galaw ai, Jinghpaw laika sharin sara wunkat yu hpawng hpe Laiza lahta tsang jawng kaw galaw la lu sai lam chye lu ai.
Ginwang Ginjaw shara shagu de na Jinghpaw laika sharin sara ni a wunkat hpe lai wa sai August shata 15 ya shani kaw nna, Laiza lahta tsang jawng kaw galaw hta dai ni September shata praw 3 ya shani wunkat yu hpawng galaw la lu sai re lam, jawng magam gun ni kaw na chye lu ai.
Jinghpaw laika sharin sara wunkat yu hpawng hta Ginjaw Hpaji Dap Lithkam, Du Kaba Wa Na Yaw Htung kaw nna, shatsam mungga jaw ai hta “Wunkat hta sharin hkamla sai Jinghpaw laika sharin sara ni tinang jawng de bai du wa ai ten, ma ni hpe Jinghpaw laika ka htung ka lai hte hkrak sharin ya lu na matu re” nga nna tsun ai.
Wunkat hta Jinghpaw laika kanu, mahku kanu, ka htung ka lai, labau, ga shagawp, sum roi, sum rai hte seng ai ni hpe sharin ya ai rai nna, Ginwang Ginjaw shagu de na Jinghpaw laika sharin sara yawng marai (80) jan sa du sharin hkamla ai re lam chye lu ai.
