Jinghpaw mung hte Sagaing jarit mayan hta gumshem Myen hpyen dap ni internet line pat da

Jinghpaw mung hte Sagaing jarit mayan ni hta hpyen masa shada shaja hkat nga dingyan re kata hta gumshem Myen hpyen dap kaw nna, niternet line pat tawn da ai lam chye lu ai.

Myitkyina, Manmaw lam ni hta dap jung shara jahkrat nga ai, gumshem Myen dap ni shanhte a hpyen dap langai hpang langai tat sum nga ai sha n-ga, Sagaing jarik mayan ni hta mung gasat gala majan matut manoi byin nga ai majaw, gumshem Myen hpyen dap ni internet line pat tawn da ai re hpe chye lu ai.

Ndai zawn internet line pat tawn da ai gaw, bat mi daram na wa sai majaw, mungshawa ni matut mahkai yakhkak nga ai hte gumshem Myen hpyen dap ni Myen mungdan a daru magam ahkang aya zing madu la kau ai 2 ning jan sai hpang, Myen mung shara shagu hta gasat gala majan laja lana matut manoi ding yang byin nga ai.