Jinghpaw mung kata Myen hpyen dap ni Modo Cycle Licence rim jep ai lam galaw nga

Jinghpaw mung kata gumshem Myen hpyen dap ni, May shata htum kaw nna, balik dap hte uphkang salang ni lawm rai, without modo cycle ni hpe rim ahkyak la ai ngu ai ga baw hte gumhpraw hta sha ai lam galaw nga ai nga nna, ginra masha ni kaw na chye lu ai.

Myitkyina, Mogaung hte Namti ginra na lam mazup hkan licence nlawm ai modo cycle ni hpe rim ahkyak la, gumhpraw hta sha ai lam galaw nga ai hta Myitkyina Muklum kata na without modo cycle (40) jan hpe mung rim zing kau ya ai nga nna, shiga lawk ni hkan na chye lu ai.

Gumshem Myen hpyen balik dap ni gaw, rim zing tawn da sai without modo cycle nkau ni hpe gumhpraw hte bai saw la shangun ai lam ni nga ai raitim, nkau hpe gaw zingla kau ya ai lam chye lu ai.

Ya na zawn gumshem Myen hpyen dap ni without modo cycle ni hpe rim ahkyak la, gumhpraw hta sha ai lam ni galaw nga ai majaw, mungshawa ni hkawmsa hkawmwa yakhkak nga ai sha n-ga, jawng lung hpang wa ai aten ladaw mung re ai majaw, jawngma ni jawngsa jawngwa htawwa htawsa yakhkak nga ai lam chye lu ai.