Jinghpaw mung kata phone internet line gumshem Myen hpyen dap ni pat kau ya

Jinghpaw mung kata phone internet line hpe gumshem Myen hpyen dap ni pat kau ya ai lam chye lu ai.

July shata 21 ya shani kaw nna, Myitkyina, Hpakant, Manmaw, Mugawng, Munyin, Shwegu hte kaga Myu mare kaba ni hta phone internet line hpe gumshem Myen hpyen dap ni pat kau ya ai lam, ginra masha ni kaw na chye lu ai.

Laiwa sai aten hkan phone internet line pat kau ya ai lam ni nga ai raitim, lu dat nlu dat rai loili naw mai lang ai hta ndai lang gaw kachyi mi pi nlu mat sai re lam, ginra masha ni matut tsun ai kaw na chye lu ai.

Ya na zawn phone internet line hpe pat kau ya ai majaw, mungshawa ni phone internet line hte hpaga galaw ai lam, hpaji sharin ai lam, matut mahkai ai lam hte kaga lam amyu myu hku yakhkak hkrum nga ai re hpe chye lu ai.