Jinghpaw mung mare kaba nkau hta ka-ni nanghpam hpe wanglu wanglang jai lang lu sha nga
Gumshem Myen hpyen dap ni uphkang nga ai, Jinghpaw mung mare kaba nkau hta ka-ni nanghpam hpe wanglu wanglang jai lang lu sha nga ai lam chye la lu ai.
Myitkyina, Mogaung, Monyin, Danai hte Hopin mare kaba ni hta ka-ni nanghpam hpe wanglu wanglang jai lang lu sha, dut mari hpaga galaw nga ai lam, ginra mungshawa ni kaw na chye lu ai.
Nanghpam jai lang lu sha ai law malawng gaw asak aprat naw ram ai ramma ni rai nna, lu sha dut mari hpaga galaw ai lam wanglu wanglang galaw nga ai raitim mung, seng ang ai ni hku na lit la rim ahkyak la ai lam nnga ai nga nna, ginra masha ni kaw na matut chye lu ai.
Ndai zawn ka-ni nanghpam lu sha dut mari hpaga galaw ai lam, wanglu wanglang galaw wa ai gaw, gumshem Myen hpyen dap ni Myen mungdan a daru magam ahkang aya hpe zing madu kau ai hpang kaw na grau sawng wa nga ai re lam na chye lu ai.
