Jinghpaw mungdaw masat ninghtoi hpe shagrau ai hku nna, manau nau ai lam galaw

Manwing mare kaw (78) ning hpring Jinghpaw mungdaw masat ninghtoi hpe shagrau ai hku nna, manau nau ai lam galaw ai hpe chye lu ai.

January shata praw 9 ya shani hkying 11:00am aten kaw nna, Manwing hparat gindai sasana jawngma ni kawn, January shata 10 ya shani hta ang ai (78) ning hpring Jinghpaw mungdaw masat ninghtoi hpe shagrau ai hku nna, manau nau ai lam galaw ai nga nna, manau sara Dumdu Zau Hkam tsun ai.

Manwing hparat gindai sasana jawng, jawng sara ni hpe laiwa sai December shata praw 8 ya shani kaw nna 18 ya shani du hkra, manau labau, manau maka hte manau a lam ni hpe sharin ya nna, jawngma ni hpe manau woi manau ai lam re nga nna, sara matut tsun ai.

January shata 10 ya shani galaw na ngu yang, mung masa hpyen masa lam amyu myu a majaw, praw 9 ya shani galaw ai hta jawngma ni hte jawngma kanu kawa ni shanglawm ai hte galaw la lu sai lam chye lu ai.