Ka-ni Nanghpam dut sha ai P.T.Ts magam gun marai langai hpe ginra Pat Jasan hte Asuya Balik ni pawng hpawm rim kau
Ka-maing Ginwang, Ma-U Pin mare na Sam Hkyeng P.T.Ts magam gun Slg. Hpu Aye asak ( 33 ning ) gaw P.T.Ts mying hte mare kata Ka-ni Nanghpam wang lu wang lang dut sha nga ai hpe August, 29 ya shani ginra Pat Jasan ni hte Ka-maing Balik ni pawng hpawm nna sa wang rim ai lam na chye lu ai.
Lu rim ai arung arai ni gaw, Sinat galu ( 3 ), MG-1, Ta kabai Bom ( 1 ), Pala din ( 20 ), Gumhpraw Ks;- 520,000, Ka-ni chyang/hpraw hte Ka-maing ( ဌာေန ) P.T.Ts dazik kap Uniform man ( 1 ) ni hpe lu rim ai.
Myitkyina Ginwang Ka-ni dawn tsi rung ( မူးယစ္ေဆးစဲြကုသေဆးရံု ) hta mung Ka-ni dawn masha law wa ai majaw lai wa sai ten marai langai hta tsi rung lung tsi dawn manu gumhpraw Ks;-60,000 masat da ai rai tim August, 28 ya shani kawn marai langai mi gumhpraw Ks;-150,000 bai masat da sai lam buga masha ni tsun ai kawn chye lu ai.
