Ka-ni nanghpam hkoi tsai wa lu na matu Asuya hpe Mungshaw ni n-gun madun
KIA Dap Ba ( 8 ) ginra, Mung Nyang Ginwang, Nam Ma mare kaw June, 24 ya jahpawt hkying 9:00am aten hta Ka-ni nanghpam hkoi tsai wa lu na matu Asuya hpe Mungshawa ni n-gun madun ai lam na chye lu ai.
N-gun madun ai lam galaw ai gaw Nam Ma mare grup yin kaw Nanghpam dut sha masha law wa ai hpe seng ang ai Asuya kawn ahkyak la ai lam tang n du ai majaw n-gun madun ai rai nna Mungshawa ni marai ( 120 ) jan shang lawm ai lam chye lu ai.
KIA Dap Ba ( 3 ) Dap Dung ( 1 ) ginra, Man Je IDPs kaw June, 24 ya shani Man Je mare uphkang salang ni hte ႒ာနဆိုင္ရာ lawm ai hpung ni kawn pat jasan bungli shang ai lam na chye lu ai.
Pat jasan bungli shang ai hta Slg. Zahkung Awng Nan Asak ( 24 ning ) hte Slg. Awng Naing Asak ( 30 ) ning yan hpe Ka-ni hte hpawn lu rim nna Balik dap de rim woi mat sai hte Ka-ni lu sha ai marai ( 6 ) hpe gaw pahkam hkam hpaji jaw nna bai dat ya sai lam na chye lu ai.
