Kachin Amyusha Mungmasa bawngban hpawng galaw
Kachin Amyusha Mungmasa Party Hpung ni woi awn nna January, 25 hte 26 lahkawng ya Myitkyina Shatapru Manau Wang Majoi Gawknu hta
bawngban hpawng galaw ai lam chye lu ai.
Ndai zuphpawng gaw du wa na February shata hta galaw na tsaban 21 Panglung Zuphpawng hta tang madun lu na matu, Jinghpaw Mungdaw a gawda ai tara lam ni hte myit nchyan shaw jahkrup bawngban ai zuphpawng re lam chye lu ai.
Zuppawng hta Kachin Mungmasa Party, KNC, KDP, KSDP, LUNDP, Kachin Bawsang shagu de na dat kasa Salang ni, Myitkyina Muklum kaw nga ai IDP camp 20 na Salang marai 2 hpra hte Hkristan makam masham hpung woi ni, Kachin CSO ni yawng marai 200 jan sa du bawngban shang lawm ai lam na chye lu ai.
