Kachin League ninggang gashun gawdin shingjawng poi galaw
Laiza Muklum Zup Awng Simsa gawdin pa kaw, 2016-2017 ning na Kachin League ninggang kashun gawdin shingjawng poi lamang hpe, July 13 ya shana maga hkying 4:00pm aten kaw na galaw ai lam chye lu ai.
Gawdin ginsup wuhpung hpe, Mungseng Yang FC, Arakkha FC, Laiza FC, Padang United FC, Woi Chyai FC, Je Yang FC, Ning Naw FC, Ja Htu Kawng FC ngu wuhpung 8 garan da ai, dai na de ginsup shingjawng ai gaw Masat Jaw Ninggang re. dai na de ginsup shingjawng ai wuhpawng gaw Mungseng Yang FC hte Arrakkha FC rai nna, ninggang hpe Mungseng Yang FC ni lu mat ai.
Laiwa sai 2016.11.21 ya hta mung, Kachin League hpaw poi ninggang hpe Mungseng Yang FC ni lu mat ai.
Ndai Kachin League gawdin ginsup ninggang hpe hpan 3 hku garan nna ginsup ai, langai Sum/le ninggang, lahkawng, Masat jaw ninggang, masum, ginchyum dat ninggang ni rai nna, ginchyum dat ninggang gashun poi lamang hpe gara aten hta bai galaw na nchye shi ai lam, laning mi hta Ninggang 3 gashun ai ginsup lamang hpe galaw ai re lam, ginsup komiti hta lit nga ai sara Lahpai Zau Ring tsun ai kawn chye lu ai.
