Kachin State Comprehensive University jawng a, Arts and Science Laboratory gawk hpaw hpawng galaw
Kachin State Comprehensive University jawng a, Arts and Science Laboratory hpuntang hpaji tatut madun gawk hpaw hpawng hpe, August shata 26 ya jahpawt hkying 10:00am aten hta Laiza Muklum Lawk (5), KSCU jawng kaw galaw la lu sai re.
“Anhte rawt malan ginra hte Myo mare kaba hte tsan ai hpaji ladat hpe shawmg daw hta mi nga taw ai sharin ladat hpe mai byin ai hku sharin sa wa ai re. Raitim ya gaw tinang a prat hpe tinang gawgap ai hpaji masa hte sharin sa wa ai re majaw, jawngma ni mung myit lawm hkum lawm hte atsawm hkrak sharin hkaja nna tinang a prat mahkrun hpe lata la lu hkra shakut sa wa mu” nga nna, Ningbaw Malai Du Kaba Sumlut Gun Maw hpaji jaw shatsam mungga tsun ai tsun ai.
Dai hpang Dr. Awng Naing Thu kaw nna mung, Science Laboratory gawk hpaw ai a, yaw shada lam hpe ya na zawn tsun ai.
“Hpungtang hpaji gyin shalat ai ngu gaw, hkam dahka nga ai machye machyang ni hpe htawng madun ai lam re. Anhte a mare mungdan hta ra nga ai lam madi shadaw lu na matu madang dep ai hpungtang hpaji ninghkring ni law law pru wa na matu re”
Science Laboratory gawk hpaw hpawng lai sumri hpe Ninbaw Malai Du Kaba Sumlut Gun Maw kaw nna, rep di ya ai hpang, Dr. Myar Lay Nwi kaw nna Science Laboratory hte seng ai hpe sang lang dan ai lam hte jawngma ni kaw nna shanhte tatut galaw da ai hpungtang hpaji ni hpe sanglang madun ai lam galaw ai hpe chye lu ai.
၎
င
၎
၎
