Kachin state day nhtoi hta myusha dawnghkawn sharawt akyu hpyi lamang galaw

Wunpawng Amyusha Zinlum Hpung kaw nna woi awn ai hte Hpakant Maw-wan nlung shadaw pa kaw January shata 10 ya jahpawt 6:15am aten hta, myusha dawnghkawn sharawt nhtawm, (73) ning hpring Kachin state day akyu hpyi hpawng lamang hpe galaw ai lam na chye lu ai.

Kachin state day nhtoi hta, Wunpawng amyu sha ni nga ai dum nta shagu, myusha dawnghkawn sharawt lu na matu yaw shada let lamang hpe galaw ai re lam chye lu ai.

“Myusha dawnghkawn hpe Wunpawng amyusha dum n-ta shagu sharawt ai lam gaw, shadip shahpang lu ai amyu, Mungdan lu ai, dawnghkawn lu ai amyu, Mungdan madu re ngu ai hpe shadan shadawng mayu ai re” nga nna Wunpawng Amyusha Zinlum Hpung Amu Madu Salang Dashi Naw Lawn tsun ai.

Kachin state day lamang hpe lai wa sai shaning hta Mungshawa ni law law hte wu wu di di galaw lu ai raitim, daining gaw COVID-19 ana zinli kap bra taw nga ai aten ladaw re majaw, lamang hta mungshawa marai 30 daram shang lawm let galaw ai re lam chye lu ai.

Hpakant ginra hta gaw, Wunpawng amyusha ni nga ai dum nta shagu myusha dawnghkawn sharawt ai hpe mu mada lu ai lam na chye lu ai.

Photo Credit; Zinlum