Kachin Sub-State ginra hta gasat gala majan matut manoi byin nga

November, 20 ya shani kawn Lahta Sammung, Mung Myit Sinli Ga ( Kachin Sub-State ) ginra kaw gasat gala majan laja lana byin wa ai hta dai ni November, 21 ya shani hta mung gasat gala majan matut manoi laja lana naw byin nga

ai lam chye lu ai.

Mung Gu Byuha kawng, Man Kang Myen hpyen dap hte Loi Jung Bum shara ni hta jahpawt hking 3:00am aten kawn MNDAA hpyen hpung ni hte Myen hpyen hpung ni shani tup ngu na daram gasat gala majan byin ai lam, dai gasat gala majan byin ai shara de shani hkying 1:30pm aten, Myen hpyen dap ni nbungli ni hte sa gap gasat ai lam chye lu ai.

Bai, Kyukoke Pang Sai na Myen hpyen dap kaw mung Tatma ( 99 ) kata na hpyen hpung ni hte KIA hpyen hpung ni jahpawt hkying 9:00am aten kawn gasat gala majan byin ai lam chye lu ai.