Kachin Sub-State ginra hta TNLA hte Myen hpyen hpung ni, laja lana gasat majan byin
Mungmyit Sinli Ga ( Kachin Sub-State ) ginra, Mandung ginwang Nam Yun mare makau kaw, TNLA Dap Ba ( 1 ) Dap Dung ( 112 ) na hpyen hpung hte Myen hpyen dap Dapnu ( 88 )
na hpyen hpung ni, May 31 ya shana maga hkying 3:45pm aten kawn hkying 4:00pm aten du hkra gasat gala majan byin ai lam na chye lu ai.
May 30 ya shani hta mung, Chyawk Mye ginwang Pan Mai mare hte Pan Law mare makau kaw jahpawt hkying 7:30am aten kawn hkying 9:00am aten du hkra, TNLA Dap Ba ( 2 ) Dap Dung ( 666, 717 ) na hpyen hpung hte Myen hpyen dap Hk.M.Y ( 501, 502 ) na hpyen hpung ni ang katut gasat poi byin ai, dai hpang Mandung ginwang Sai Lin mare hte Pang Hka mare makau kaw, shani ka-ang hkying 12:00pm aten kawn hkying 1:00pm aten du hkra, TNLA Dap Ba ( 3 ) Dap Dung ( 683 ) na hpyen hpung hte Myen hpyen dap Dapnu ( 33 ) kata na hpyen hpung ni mung, ang katut gasat poi byin ai lam, TNLA shiga lawk kawn chye lu ai.
