Kachin Sub-State ginra ni hta Myen hpyen hpung hte gasat majan byin

Mungmyit Sinli Ga ( Kachin Sub-State ) KIA Dap Ba ( 6 ), Dap Dung ( 2 ) ginra hta shamu shamawt nga ai Myen hpyen hpung hte KIA hpyen hpung ni, May 24 ya shana maga

hkying 4:20pm aten kaw nna, hkying 4:55pm aten du hkra, gasat majan byin ai lam, shawnglam shisawk ni kawn chye lu ai.

KIA Dap Dung ( 2 ), Kung ( 3 ) hpyen hpung ni shara jahkrat nga ai, Kaw Kalawng hte Loi Seng mare maga de, Myen hpyen dap Hk.M.Y ( 367 ) Dap na hpyen n-gun ( 50 ) daram shamu shamawt htu lung wa ai majaw, KIA hpyen hpung ni hkap shingla gasat majan byin ai re lam chye lu ai.

May 23 ya shani hta mung, TNLA Dap Dung ( 876 ) na hpyen hpung hte Myen hpyen dap Dapnu ( 88 ) kata na hpyen hpung ni, Nam Hpakka Ginwang, KIA Dap Dung ( 8 ) ginra, Nam Hai mare hte Man Pung mare lapran kaw numdaw mi gap hkat nna, Pan Wa mare hte Na Lay mare lapran e mung, kalang bai gap hkat ai lam na chye lu ai.