Kai Htik Buga Sasana shang (125) ning hpring hte Buga Hpung De ai (75) ning hpring chyeju shakawn hpawng galaw na matu, hkyen lajang nga
Manmaw Ginwang, Kai Htik Buga Sasana shang ai (125) ning hpring hte Buga Hpung De ai (75) ning hpring chyeju shakawn hpawng hpe galaw sa wa na matu, buga hpung masha ni kaw nna, hkyen lajang nga ai lam chye lu ai.
Sasana shang (125) ning hpring hte Buga Hpung De ai (75) ning hpring chyeju shakawn hpawng hpe Njung Bum Kahtawng, Kai Htik Buga Hkalup hpung wang hta March shata 23 ya shani kaw nna, galaw sa wa na re lam chye lu ai.
March shata 22 ya shani manam zup, 23 ya shani Hkalup hkam lamang, mara raw akyu hpyi hpawng, 24 ya shani gaw chyeju shakawn hpawng rai nna, 25 ya shani manam bra na re lam chye lu ai.
Kai Htik Buga hpung hpe 1898 ning kaw sasana shang hpang wa ai rai nhtawm, 2023 ning hta sasana shang ai (125) ning hpring sai rai nna, nawku hpung htinggaw yawng (232) rai sai lam chye lu ai.
