Kap Maw kaw gasat gala majan byin
KIA Masat (9) Dap Ba ginra, Hpakant lam Kap Maw kaw gasat gala majan byin ai lam chye lu ai.
May shata praw 5 ya shana maga hkying 2:15pm aten daram kaw nna, hkying 5:40pm aten daram du hkra, Kap Maw kyu hpyi bum mayan kaw KIA pawng hpawm hpyen hpung ni hte gumshem Myen hpyen dap pawng hpawm hpyen hpung ni gasat gala majan laja lana byin ai lam, lit nga ai salang ni kaw na chye lu ai.
Gumshem hpyen hpyen dap hte P.T.Ts pawng hpawm hpyen hpung ni gaw ya aten, Hpakant ginra de hpyen n-gun kaba hte htu shadut nga ai majaw, KIA ni hte shani shagu ngu na gasat gala majan byin nga ai re.
Matut nna Manmaw ginra hta mung, KIA pawng hpawm hpyen hpung ni hte gumshem Myen hpyen dap ni shani shagu gasat gala majan laja lana matut byin nga ai hta gumshem Myen hpyen dap kawn nbungli, drone ni hte gap gasat nga ding yang re ai hpe chye lu ai.
