Kasung Zup Mai mare na amyu shayi ni hte magam dap kata na magam gun jan ni sharin hpawng galaw

Sinna Ginwang Ginjaw, Myitkyina Ginwang na Amyu Shayi Komiti ni woi awn nna, April 17 -18 lahkawng ya KIA Dap Dung ( 11 ) hpyen dap, Padang Ninghkawng Gawknu hta sharin

hpawng galaw ai lam na chye lu ai.

“Ginwang amyu shayi ningbaw ni hku nna Kasung Zup Mai mare na amyu shayi ni hte hpyen dap kata na magam gun jan ni hpe amyu shayi hte seng nna ningmu jahpaw hkaw tsun ai lam, amyu shayi ni hpe kahkyin gumdin zinlum ai sharin hpawng re” nga Myitkyina ginwang komiti amu madu salang kaba Maji Yaw Htung tsun ai.

Sharin hpawng hta shanglawm ai yawng marai 50 daram re lam mung na chye lu ai.