KBC Kawa la sharin hpawng sa nna, bai wa ai Kawa La marai 17 hpe Myen Balik ni rim da

12 lang na KBC Kawa La sharin hpawng kaba kawn bai nhtang yu wa ai Mungmau Ginwang na La hpa-awn hte marai 17 hpe March 25 ya shana hkying 8:00pm aten hta Namhkam

mare, Pinlung manam jarawp kaw Myen Balik ni sa rim woi mat ai lam na chye lu ai.

Balik ni gaw rim da ai sara ni hpe san jep nna sharin hpawng hta shanglawm ai tengman sakse laika pa hte hpawng galaw na ahkang ( ပြဲမိန္႔ ) ni hpe copy galaw shagun shangun nna, tengman ai laika pa mu ai March 26 ya shani she bai dat dat ya ai re lam, rim da hkrum ai sara ni hkying 4:30pm aten daram hta dum nta de bai du wa sai re lam, sara langai tsun dan ai kawn chye lu ai.