KBC ningbaw Rev. Dr. Hkalam Samson hpe ahkyak la na matu Myen Hpyen Dap kawn tara shawk shawn da

KBC ningbaw Rev. Dr. Hkalam Samson hpe ahkyak la na matu, Dingdung daw daju ( M.P.Hk ) na Du Kaba Than Htike kawn August shata 26 ya shani hta Myitkyina ginwang tara rung kaw tara shawk shawn da ai lam chye lu ai.

Lai wa sai July shata 17 ya shani hta Rev. Dr. Hkalam Samson gaw American Gumsan Magam Donald J. Trump hte hkrum shaga ai ten hta tsun ai ga si ni a majaw Myen Hpyen Dap kawn tara shawk shawn wa ai re.

“Ngai hku nna gaw tengman ai hpe sha tsun ai re majaw, tara rung kaw tsun dang rang htai lai hkat na lam sha nga ai” nga nna KBC ningbaw Rev. Dr. Hkalam Samson tsun ai.

Ndai amu hte seng nna du wa na September shata praw 9 ya shani she tara jewat mai nmai mahtai chye lu na re lam chye lu ai.