KBC Ramma Ningbaw Ningla Sharin Hpawng galaw
KBC shangwang kata na Ginwang hte Buga shagu na Ramma ningbaw ningla sharin hpawng hpe Mung Myit Sinli Ga ( Kachin Sub-State ), Lashio mare nawku jawng wang hta September, 6 ya shani kaw nna September, 10 ya shani du hkra galaw ai lam na chye lu ai.
Hpawng hta tinang hkum hpe shachyoi shapra nhtawm laklai ai woi awn ladat hte masha law law hpe woi awn lu ai atsam ningja hpring ai ningbaw ningla kaja ni byin tai wa lu na matu
KBC shangwang kata na Ginwang hte Buga shagu na Ramma ningbaw ningla sharin hpawng hpe Mung Myit Sinli Ga ( Kachin Sub-State ), Lashio mare nawku jawng wang hta September, 6 ya shani kaw nna September, 10 ya shani du hkra galaw ai lam na chye lu ai.
Hpawng hta tinang hkum hpe shachyoi shapra nhtawm laklai ai woi awn ladat hte masha law law hpe woi awn lu ai atsam ningja hpring ai ningbaw ningla kaja ni byin tai wa lu na matu yaw shada ai hte KBC Ramma magam dap kawn woi awn ai masing kata Kutkai Ginwang, Mung Mau Ginwang hte Sammung Ginwang ni nta madu tai lit la nhtawm hpawng sa wa ai re lam mung chye lu ai.
Dai hpawng hta Chyum laika mungga hpe Rev. Hpau Yawng Tu Mai, Laklai ai Ningbaw Ningla Masa ( Uncommon Leadership ) hpe Rev. Labya Paul Naw Tawng, Mung Myit Sinli Ga ( Kachin Sub-State ) labau hpe Rev. Dabang Kum Htoi, Citizen Journalism hpe Srn. Hkangda Htu San, Spiriual Formation hpe Srn. Tangbau Seng Nyoi, Social Justice hpe Rev.Dr. Hpauyam Tu Htang ni sharin ya ai lam chye lu ai.
Bai, Mung Myit Sinli Ga ( Kachin Sub-State ) na Ramma ni hte Kachin State na Ramma ni shada kanawn mazum gawdin shingjawng ai lamang mung galaw ai hte Ramma ningbaw ni marai ( 300 ) jan sa du shanglawm ai lam chye lu ai.
