KIA Dap Ba ( 1 ) Dap Ba ( 2 ) Dap Ba ( 3 ) ginra ni hta gasat gala majan byin

KIA Dap Ba ( 1 ) ginra, Lawt Mai Yang de shamu shamawt du nga ai Myen hpyen dap, Hk.L.Y ( 251 ) na hpyen hpung hte KIA Dap Dung ( 7 ) hpyen hpung ni, January 18 ya shana maga hkying 4:45pm aten, Nhtan Zup mare hte Lawt Mai Yang mare grup yin kaw gasat gala majan byin ai lam, shawnglam shisawk ni kawn chye lu ai.

KIA Dap Ba ( 2 ) ginra, Yuzana site lam masat ( 33 ) makau na salang Myi Pai Wa a sun kaw du nga ai, Hk.L.Y ( 251 ) hpyen hpung ni hpe, January 18 ya shani hkying 1:30pm aten KIA hpyen hpung ni sa htim gap dat ai kawn gasat gala majan byin ai.

KIA Dap Ba ( 3 ) Dap Dung ( 27 ) ginra, Pung Ling Dingsa kaw shara jahkrat nga ai Myen hpyen hpung ni hpe KIA hpyen hpung ni kawn January 18 ya shana maga hkying 4:00pm aten hta sa htim gap ai kawn gasat majan byin ai lam chye lu ai.