KIA Dap Ba ( 1 ) hte Dap Ba ( 3 ) ginra hta gasat gala majan byin
KIA Dap Ba ( 1 ) Dap Dung ( 7 ) ginra hte KIA Dap Ba ( 3 ) Dap Dung ( 27 ) ginra ni hta KIA hpyen hpung hte Myen hpyen hpung ni gasat gala majan byin ai lam chye lu ai.
January 16 ya shana maga hkying 5:00pm aten kaw na hkying 6:00pm aten laman KIA Dap Ba ( 1 ) Dap Dung ( 7 ) hpyen hpung hte Myen hpyen hpung ni, Shara Rum Post kaw gasat gala majan byin ai.
KIA Dap Ba ( 3 ) Dap Dung ( 27 ) ginra, Nam Hka Bum kaw du nga ai Myen hpyen hpung ni hpe January 16 ya jahpawt hkying 9:29am aten hta KIA hpyen hpung ni sa htim gap ai kawn gasat majan byin ai lam, shawnglam shisawk ni shana wa ai kaw na chye lu ai.
