KIA Dap Ba (10) ginra de Myen Hpyen Dap ni, hpyen n-gun 800 daram htu shadut shamu shamawt shang wa
Mungmyit Sinli Ga (Kachin Sub-state) KIA Dap Ba (10), Dap Dung (17) ginra, Man Mak hte Gang Ming shara ni hta Ts.K.Hk (10), Dapnu (Tatma 88) kata na dap dung hte Dapnu 99 na hpyen n-gun 800 daram gaw, July shata htum wa ai kaw na August shata laman nsim nsa shamu shamawt shang nga ai lam, shawng lam shi sawk ni kawn chye lu ai.
Ya na zawn Myen Hpyen Dap ni shamu shamawt shang wa ai majaw, August shata 29 ya shani hta Myen hpyen hpung ni hte MNDAA (Kokang) hpyen hpung ni Hpa Hpik hte Man Nawng shara lahkawng kaw gasat gala majan byin sai re.
Majan byin ai shara kaw Myen Hpyen Dap ni, Helicopter 1 hte bawm wa jahkrat bun ai lam chye lu ai.
Myen hpyen dap ni matut nna ni kahtep wa ai rai yang majan naw byin wa na re hte ndai ginra gaw, dingdung daw dap hpawm ni rai nga ai MNDAA, TNLA hte AA ni shamu shamawt nga ai shara re hpe mung chye lu ai.
