KIA Dap Ba ( 2 ) ginra hta laja lana gasat majan byin
KIA Dap Ba ( 2 ) Dap Dung ( 20 ) H.Q Gauri Bum de May, 14 ya jahpawt hkying 10:10am aten hta Myen hpyen hpung ni htim lung wa ai majaw KIA hpyen hpung ni hte laja lana gasat majan byin ai.
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 2 ) ginra hta mung Lung Wai hte Man Pying lapran kaw shani hkying 11:00am aten kawn Myen hpyen hpung ni hte KIA hpyen hpung ni laja lana gasat majan byin ai lam shawng lam shi sawk ni kawn chye lu ai.
KIA Dap Ba ( 9 ) Dap Dung ( 6 ) ginra May, 13 ya jahpawt daw hkying 6:30am aten hta Hku Pa makau Woi Bum kaw shara la nga ai KIA hpyen hpung ni hte Myen hpyen hpung ni gasat majan byin nna, shani hkying 11:30am aten hta mung Loi Mye Camp makau Dum Bum lawu kaw Myen hpyen hpung ni hte KIA hpyen hpung ni numdaw kalang mi bai gasat majan byin ai.
May, 13 ya shani hta sha, hkying 2:35pm aten hta Dap Dung ( 20 ) hpyen hpung ni shara la nga ai Ga shara hte Maji Bum lapran kaw Daleng Bum maga kawn Myen hpyen hpung ni gale pru wa ai majaw KIA hpyen hpung ni hte laja lana gasat majan byin ai lam chye lu ai.
