KIA Dap Ba ( 3 ) Dap Dung ( 12 ) hte Dap Dung ( 27 ) ginra hta majan matut byin
KIA Dap Ba ( 3 ) Dap Dung ( 12 ) hte Dap Dung ( 27 ) ginra hta December 16 ya shani KIA ni nga ai shara de Myen hpyen dap ni htu lung wa ai majaw, gasat laga matut byin ai lam, shawnglam hpyen shisawk ni shana wa ai kawn chye lu ai.
KIA Dap Dung ( 12 ) hpyen hpung ni shara jahkrat nga ai Hkang Htan Hkyet maga de, Myen hpyen hpung ni htu shadut lung wa ai majaw, hkying 10:43am aten hta gasat majan byin ai.
Dai hpang Jan Mai Kawng Ra maga kawn shamu shamawt lung wa ai Myen hpyen dap, Hk.M.Y ( 317 ) ngu maram lu ai hpyen hpung hte KIA Dap Dung ( 27 ) na hpyen hpung ni mung, hkying 4:40pm aten kawn hkying 6:00pm aten du hkra, Da Ga Hkyet kaw ang katut gasat majan bai byin ai re.
Daini December 17 ya shani hkying 10:00am aten hta mung, KIA Dap Dung ( 27 ) ginra, Hka Hpawk Gadawng kaw Myen hpyen hpung hte KIA hpyen hpung ni laja lana gap hkat ai, dai hpang gap hkat ai shara kaw na KIA hpyen hpung ni bai yen da ai lam chye lu ai.
