KIA Dap Ba ( 3 ) hte Gidon post maga de mung gasat gala matut byin nga

KIA Dap Ba ( 3 ) Dap Dung ( 27 ) ginra, Mung Hkawng kawn Je Sawn maga lai shang wa ai Myen hpyen dap Hk.M.Y ( 521 ) na hpyen n-gun ( 50 ) daram hpyen hpung ni hpe November, 21 ya jahpawt hkying 7:00am aten hta Laika ngu shara kaw

KIA hpyen hpung ni kawn shingla gasat ai lam, dai hpang Bum Chyang Bum npu Na Bu Yang kaw mung shana de hkying 3:00pm aten daram hta gasat gala majan byin ai lam chye lu ai.

Matut nna KIA ( 252 ) Dap Nawng Dap Dung ginra Gidon hpyen dap de November, 21 ya shani Myen hpyen dap ni laknak kaba hte ( 50 ) lang gap bun ai lam chye lu ai.