KIA Dap Ba ( 4 ) ginra ni hta gasat gala majan matut byin nga
December praw 15 ya jahpawt hkying 8:00am aten KIA Dap Ba ( 4 ), Dap Dung ( 9 ) ginra, Hu Lawng Bum kaw Dap mying nchye ai Myen Hpyen hpung ni
hte KIA hpyen hpung ni gasat gala majan byin ai lam chye lu ai,
December praw 15 ya jahpawt jau jau aten hta KIA Dap Dung ( 9 ) ginra Nam Lim hte Na Hpai mare lapran kaw Myen hpyen hpung ni hte KIA hpyen hpung ni gasat gala majan byin nna, hkying 10:00am aten daram hta Myen Hpyen hpung ni gaw dai gasat gala majan byin ai shara de Helicopter ni hte sa htim gap ai lam chye lu ai.
December praw 14 ya jahpawt hkying 10:37am aten daram hta KIA Dap Dung ( 8 ) ginra Namhpakka maga kaw nna lung wa ai Myen hpyen hpung ni hte KIA hpyen hpung ni Shu Hkin Ta lawu kaw gasat gala majan byin nhtawm, shan maga de hkying ( 2:34 )pm aten hta mung Man Prang Hkyet kaw kalang mi bai gasat gala majan byin ai lam chye lu ai.
