KIA Dap Ba ( 6 ) ginra hta gasat gala majan byin
Mungmyit Sinli Ga ( Kachin Sub-State ) KIA Dap Ba ( 6 ) Dap Dung ( 36 ) ginra hta March 24 ya jahpawt hkying 7:30am aten hta Hk.M.Y ( 219 ) dap hte KIA Dap Dung ( 36, 38 ) dap na pawnghpawm hpyen hpung ni, Man Kang hte Yi Hku kahtawng lapran kaw gasat gala majan byin ai lam, shawnglam shisawk ni shana wa ai.
Hkying 10:00am aten hta Mung Baw Lashap mare makau kaw Hk.M.Y ( 219 ) hpyen hpung hte sha KIA ni matut majan byin ai hta Man Pying mare kaw nga ai Myen hpyen hpung ni gaw majan byin ai shara de laknak kaba 120mm hte gap bun ai.
Dai Myen hpyen hpung ni gaw Man Pying mare kaw nna bai shamu shamawt lung wa ai majaw, shani ka-ang hkying 12:30pm aten hta Hpak Gum mare makau kaw KIA hpyen hpung hte minute 15 daram majan bai byin ai.
Shana daw hkying 1:50pm aten hta gaw Nam Tau mare Hpungkyi Jawng kaw nga ai Myen hpyen hpung ni hpe KIA hpyen hpung ni kawn sa htim gap ai lam chye lu ai.
